--------------------------------------------------------------------------------
واحدة بتحب واحد و هو مش بيحبها !!!!
أو العكس و يكون ولد بيموت فى بنت و هى شايفاة مجرد أخ و بس
موقف متكرر .. حصل كتير مع الأسف و فى مننا عاش حاجة زى دى
و لو مشينا شوية كمان مع السيناريو دة هنلاقى ان الطرف اللى بيحب ممكن ساعات ميتقبلش فكرة انة مش مرغوب !!
و يبدأ يسأل نفسة كتير .. هى لية مش بتحبنى ؟؟ لية مش حاسة بمشاعرى دى ؟؟
و بتبقى المصيبة اكتر لو بنت هى اللى بتحب ولد مش حاسس بيها
جايز دة يخليها تفقد الثقة فى انوثتها للأبد
طب بالزمة مش موقف يوجع الواحد من جواة ؟؟؟
طب حد فاكر اغنية سميرة سعيد اللى كانت بتقول فيها :
لا بيننا حلم و لا بيننا وعد ..... مجرد اتنين و عرفوا بعض !!!
فاكرين المعانى دى قد اية وجعت قلبنا و احنا بنسمعها ؟؟ و هى ببساطة بتقول للى بيعشقها انهم مجرد اتنين و عرفوا بعض زى أى اتنين تانيين ... مش بتفكر فية !!! مش حاسة بية !!! هتعمل اية يعنى فى نفسها .. هتعصر ليمونة على قلبها و توافق انها تحبة لمجرد ان هو بيحبها ؟؟!!!
* طب حد فاكر اغنية أصالة اللى بتقول :
اقولك بحبك .. تقولى هفكر !! ههههههههه يخرب بيت المنظر بصراحة
يعنى تخيل هى بتحبة و رايحة تقولة كدة و هو يرد يقولها : معلش شوية بس افكر عشان مش فاضى
لا و كمان خلى بالك فى نوع تنح شويتين يعنى مش هيسكت و يقوم يروح لما تقولة مش بحبك
لا دة ممكن يسألك لية مش بتحبنى ؟؟؟ هو انا ناقصنى حاجة ؟؟؟
و فى كمان مشكلة تانية انك ساعات بتكون عاوز تحتفظ بالشخص دة زى ما هو يعنى بنت عاوزاك تفضل أخ ليها مش اكتر و تخاف تخسرك لو واجهتك بالحقيقة -- فعلا موقف مش ظريف خالص
خليط بين الكرامة و المشاعر و الرغبة فى تحقيق الهدف
صحيح هم يضحك و هم يبكى ... المهم بقى انى بصراحة مش عارف الحل يكون اية !!
هل الصراحة هى الحل ؟؟ يعنى تواجة اللى بيحبك بالحقيقة ؟ فى وشة كدة !!!!
و هل دى تبقى صراحة ؟ و لا تناكة و غرور ؟؟ و لا عدم احساس ؟؟
تعالو نقترح الحلول الممكنة جايز نقدر نخدم حد فى الموقف دة
