--------------------------------------------------------------------------------
وانا بفتش فى دماغى كده لقيت حاجات غريبة
عارفين لقيت إيه ( لقيت حاجه غريبة قوى قوى ) لقيت ان الحاجه الوحيده اللى الإنسان فعلاً مش بيختارها الحب ، والله ده رأيي ودى وجهة نظر - بس أنا مقتنع بيها ، يعنى ممكن تلاقى واحد يقولك أنا بقه لما هتجوز هتجوز واحده بشعر أصفر وعين خضرا وفجأة أتجوز واحده تانية خالص ويكون طاير بالفرح بيها .
يعنى أنتم عايزين تقنعونى إن الواحد ممكن يختار حبيبه ؟؟؟؟
والله لو كان الواحد يقدر يختار حبيبه مكنش فيه حاجه أسمها عذاب الحب والسهر والشوق والسرحان والحاجات دى كلها
طيب بالمناسبة بقه ده كله تمهيد لأنى كنت كاتب شعر عن الموضوع من زماااان وحبيت اطلعه دلوقتى .
أسمع ياسيدى
أنكتب علينا الحب ومكنش بإيدينا
نســـــهر ندوق الويل ونعد ليالينا
أنكتب علينا خلاص .. ومعدش فيها رجــوع
وبدل ما كنا بنفــرح .. بقينا بنبكــى دمــوع
أنكتب وغصب عنا .. بنعيشه على إنه جنه
أتاريه وهم وقاتلنا .. وبيقيــد فى قلوبنا نـار
