--------------------------------------------------------------------------------
بالظبط تمام زى القهوة ...... فيها ناس قديمة معاشات بيلعبوا طاولة وناس تايهة مش لاقية حتة تروحهاوشباب بيلعبوا دومينو أو ( استيمشن ) وواحد فى الجنب بيحب واحدة مش عارف اسمها ....
الدنيا قهوة بس كبيرة شوية هتلاقى فيها كل أصناف البشر اللى قاعد بيتسلى واللى مستنى واللى حقق وقاعد يريح شوية وكمان هتلاقى أصحاب القهوة المعلمين قدامهم الشيشة واحتمال تلاقى واحد فى ركن بعيد خايف ومرعوب ومش عارف يدفع الحساب وبيفكر يروح القسم ولا ينظف القهوة بعد صلاة الفجر
الحاجة الوحيدة المشتركة بين كل الناس اللى قاعدين فى نفس المكان ان كل واحد فى النهاية بيدفع حساب مشاريبه يعنى يمكن واحد صاحبك يعزمك مرة ويمكن تلاقى واحد معرفة يدفعلك الحساب مرة تانية بس لو استمريت فى القعدة لازم تتعلم تحاسب علشان كدةمشاريب سعادتك لازم تبقى قد الفلوس اللى فى جيبك .
الرسالة وصلت؟؟؟؟؟؟؟؟؟؟؟؟؟؟؟؟؟
